2015-2016 სასწავლო წელს განსახორციელებელი პროექტების გეგმა

2015-2016 სასწავლო წელს განსახორციელებელი პროექტების გეგმა

პროექტების მიზანი: პრობლემაზე ორიენტირებული სწავლებით მიღწეული შედეგის წარმოჩინება. დამოუკიდებლობის, კრიტიკული აზროვნების განვითარება. ცხოვრებისეული გამოცდილების დაგროვება. სასწავლო პროცესში მოსწავლეთა ჩართულობის ხარისხის ამაღლება.

VIII ^ბ- ბრბოს ფსიქოლოგია. „მარიტასა“ და „ეშმაკის ქვის“ მიხედვით. მოსწავლეებს ევალებათ, გაარკვიონ, რა იწვევს ინდივიდის ჩართვას კოლექტიურ უსამართლობაში.

„არც კაცი ვარგა, რომ ცოცხალი მკვდარსა ემსგავსოს“- მოსწავლეებს ევალებათ, გაარკვიონ, ადამიანის როლი საზოგადოებრივ ცხოვრებაში, მოიძიონ ლიტერატურული პარალელები და ცხოვრებისეული მაგალითები.

„სიზმრის საზრისი ქართულ ლიტერატურაში“- მოსწავლეებს ევალებათ, მოიძიონ სიზმრის სიმბოლური საზრისები ვაჟა-ფშაველას, დ.კლდიაშვილის შემოქმედებაში და დაუკავშირონ ა.წერეთლის „ბაში-აჩუკის“ კირილე მღვდლის სიზმარს.

IX ^ა -„ავთანდილის ანდერძის გამოძახილი ქართულ ლიტერატურაში“- მოსწავლეებს ევალებათ მოიძიონ არქეტიპები და მიზნის მისაღწევად ცხოვრებისეულ სიძნელეებს შეჭიდებული გმირები.

ო.ჭილაძის „ადამიანი გაზეთის სვეტში“- მოსწავლეებს ევალებათ, გაარკვიონ ტექსტის ძირითადი პრობლემა. მოიძიონ პარალელები ლიტერატურაში.

„ემიგრაციის პრობლემა ნ.ლორთქიფანიძისა და მ.ჯავახიშვილის შემოქმედებაში“- მოსწავლეებს ევალებათ, იმსჯელონ აღნიშნულ პრობლემებზე „გულისა“ და „მიწის ყივილის“ მიხედვით. დაუკავშირონ ცხოვრებისეულ მაგალითებს.

X^ბ გრიგოლ ხანძთელის „სრბა“- მოსწავლეებს ევალებათ დაუკავშირონ ხანძთელის გზა ბიბლიური გმირების ცხოვრებას და ბიბლიურ იგავებს.

„ფსევდოდიონისე არეოპაგელი-პეტრე იბერი და მისი შეხედულებების ასახვა „ვეფხისტყაოსანში“- მოსწავლეებს ევალებათ გაარკვიონ ბოროტების არასუბსტანციურობის ასახვა „ვეფხისტყაოსანში“.

„დავითიანის ეგზისტენციალიზმი“- მოსწავლეებს ევალებათ გურამიშვილის თეოლოგიური დიქტრინის გაანალიზება და ღვთისმშობლისა და ქრისტეს სახისმეტყველებაზე მუშაობა.

XII „ჯაყო გუშინ და დღეს“- მოსწავლეებს ევალებათ განსაზღვრონ ჟაყოობის პრობლემის აქტუალურობა.

„ხელოვნება კ.გამსახურდიასა, გ.ტაბიძის და ჯ.ქარჩხაძის შემოქმედებაში“- მოსწავლეებს ევალებათ, გაარკვიონ ტოტალიტარიზმის ეპოქაში ხელოვანთა ბედი.